Европа Иттифоқи ва Европа Кенгаши ҳар қандай шароитда ўлим жазоси қўлланишига қарши экани таъкидланган баёнот қабул қилинди. Ҳужжатда ушбу жазони сақлаб қолаётган давлатлар қатлга зудлик билан мораторий жорий этиши кераклиги таъкидланган.
10 октябрь куни нишонланган Европа ва Жаҳон ўлим жазосига қарши кураш куни арафасида эълон қилинган баёнотда 2025 йил 17 мамлакатда қатл амалга оширилгани қайд этилган. Бу рақам 2024 йилга нисбатан 78 фоиз кўп.
Қатл амалиёти кўпроқ Эронда қўлланган. Миср, Кувайт, Саудия Арабистони, Сингапур ва Яманда ҳам сезиларли ўсиш қайд этилган. Олий жазо ҳукми Қўшма Штатларда ҳам ижро этиляпти.
Хитой бўйича маълумот махфийлик туфайли жаҳон статистикасига киритилмаган. Гарчи ушбу давлатда минглаб қатл амалга оширилган, дея тахмин қилинса-да…
С.Раҳимов, ЎзА