Жорий йилнинг 18-19 март кунлари Ўзбекистон Республикаси Олий Мажлиси Қонунчилик палатаси Спикерининг биринчи ўринбосари А. Саидов Парламентлараро иттифоқи (ПАИ) Ижроия қўмитасининг навбатдаги йиғилишида онлайн форматда иштирок этди.

Унда Парламентлараро иттифоқнинг молиявий фаолияти, ташкилотнинг коммуникация стратегияси, ПАИ котибиятининг фаолиятига оид масалалар юзасидан маърузалар эшитилди.

Шунингдек, иштирокчилар Парламентлараро иттифоқ президентининг ҳисоботи ҳамда ПАИнинг 144-сессияси муҳокамаси кун тартибига киритилган бошқа масалалар юзасидан фикр алмашишди.