Тошкентда бўлиб ўтаётган биринчи Халқаро инвестиция форумининг иккинчи куни ўз ишини бошлади.

Айни пайт «Ислоҳотлар ўтказишда макроиқтисодий барқарорликни сақлаш» мавзусида давра суҳбати, «Марказий Осиёнинг инвестиция салоҳияти», “Қишлоқ хўжалиги саноати учун янгиланган ишлаб чиқариш ва янги бозорлар” мавзуларида панел мунозараси бўлиб ўтмоқда.

- 2013 йилдан бери Ўзбекистон инфраструктурасини такомиллаштиришга ҳисса қўшиб келаётганимиздан хурсандмиз, - дейди “China Railway Group Limeted” Марказий-ғарбий Осиё компанияси бош менежери Динг Леи. – Бугунги кунда Хитой билан Ўзбекистон ўртасида барча соҳаларда самарали ҳамкорлик ўрнатилган. 

Ишонч билан айта оламанки, мамлакатингизни янада тараққий эттириш учун яна кўплаб хитойлик ишбилармон инвесторлар сармоя киритади. Буни делегацияларнинг Ўзбекистонга нисбатан юксак ишончидан ҳам билса бўлади.

Гўзал Сатторова, ЎзА