• Давлатимиз раҳбарининг касаба уюшмалари куни муносабати билан йўллаган табригини шахсан мен Янги Ўзбекистоннинг янги касаба уюшмалари эътирофи ва таърифи деб қабул қилдим. Ушбу иқроримни қуйидагича изоҳласам: табрик изчил, ҳаққоний ва нафақат қилинган ишларнинг эътирофи, балки олдинда турган вазифаларни белгилаб бергани билан ҳам аҳамиятлидир.

Дарҳақиқат, касаба уюшмалари бугун жамиятнинг барча жабҳаларида фаол иштирок этмоқда. Бунда ташкилот раисининг ҳиссаси катта, албатта. Тизимда у киши бошчилигида олиб борилаётган қурилиш- бунёдкорлик, ижтимоий-сиёсий йўналишларда қилинган ишларни санаб саноғига етолмаймиз. Бугун гувоҳи бўлиб турганимиз «Севарсой» сиҳатгоҳи ҳам ана шу эзгу ва савобли ишларнинг мантиқий давоми бўлди.

Ўзбекистон касаба уюшмаларига, меҳнаткашларга яна бир муҳташам кошона муборак бўлсин! Ушбу сиҳатгоҳ кўп йиллар халқимизга хизмат қилсин!

Акмал САИДОВ,

Олий Мажлис Қонунчилик палатаси Спикерининг биринчи ўринбосари, академик